Бұл туралы Caravan.kz медиа порталы Sputnik.kz-қа сілтеме жасап хабарлайды.
Полиция департаментінің мәліметінше, оқиға 15 шілде күні сағат 22.00-де болды. Кәсіпкер өз үйінің ауласында өлі табылды.
"М.Иқсанов көшесіндегі үйдің кіреберісінен 1958 жылғы ер адамның мәйіті табылды. Ол басынан оқ жарақатын алған. Сондай-ақ үйдің ауласынан маркасы белгісіз атыс қаруы табылып, тәркіленді. Мүрде Орал қаласындағы мәйітханаға жіберілді, - деп хабарлады полициядағылар.
Аталған дерек бойынша ҚР ҚК 99-бабы 1-бөлігіне (кісі өлтіру) сәйкес сотқа дейінгі тергеу амалдары жүргізілуде.
Күдікті іздестіріліп жатыр. Марқұм дүкен ұстаған кәсіпкер болған.