Облыстық туризм, дене шынықтыру және спорт басқармасынан хабарлағанындай, 1-3 маусым күндері Алматы қаласында өткен әйелдер арасындағы еркін күрестен Азия чемпионатында Екатерина Ларионова 63 келі салмақта екінші орынды иеленді.
Сондай-ақ осы күндері Семейде өткен қазақ күресінен Қазақстан чемпионатында +100 келі салмақтық дәрежеде Арман Әбеуов жеңімпаз атанса, 82 келі салмақта Саят Шәмшиев қола жүлдегер болды. 2 маусым күні Украинаның Одесса қаласында еркін күрестен өткен «Қара теңіз» дәстүрлі халықаралық турнирі өз мәресіне жетті. Бұл турнир биылдан бастап FILA күнтізбесіне кірген болатын. ТМД елдері қатысқан аталмыш турнирге Қазақстан құрамасы сапында өнер көрсеткен батысқазақстандық, Лондон Олимпиадасына қатысу құқығына ие болған Таймұраз Тигиев 120 келі салмақ дәрежесінде күміс медальға қол жеткізді.