Әскери самбодан 24 жасар балуан Бауыржан Ғұмаров 68 келі салмақ дәрежесінде Өзбекстан елінің спортшысы Әлішер Тораевты, түркіменстандық Пена Нұрышевты, Ресей балуаны Даш-Шви Аибекті тізе бүктіріп, финалда кореялық Ку Мунг Кимен белдесіп, таза жеңіске жетті. Сөйтіп, Махамбет Өтемісұлы атындағы БҚМУ-дың дене шынықтыру және спорт факультетінің түлегі, қазір шекарашы міндетін абыроймен атқарып жүрген Бауыржан әскери самбо күресі бойынша Азия чемпионы атанды.
Сондай-ақ осы байрақты бәсекеде тағы бір батысқазақстандық Қазбек Сұпығалиев самбодан 57 келі салмақ дәрежесінде шеберлік жарыстырып, жастар арасында екі дүркін Азия чемпионы атанды.