Өткен жылдың қаңтар айында әншінің орындауында 83 әнді жазып алған «Ел» продюсерлік орталығы үш CD дискіге 78 туындыны кіргізген. Жинақтағы туындылардың 58-і домбырамен, қалғаны оркестрдің сүйемелдеуімен орындалған.
Мың данамен жарық көрген күйтабаққа негізінен ұлы әншілер Мұхит Мерәліұлы мен Ғарифолла Құрманғалиевтің, сондай-ақ Сағит Садықов, Еркін Нұрымбетов, Сәрсенғали Бисенғалиев сынды батысқазақстандық композиторлардың ән-термелері енгізілген.