Шын мәнісінде, Мэгги де Блок Бельгиядағы ең танымал саясаткерлердің бірі саналады. Кейбір сарапшылар оған премьердің орны да лайық деп санайды. Алайда, жақында билікке келген оны денсаулық сақтау министрі етіп тағайындағанына жергілікті журналистер таңырқап қалды.
«Спорт пен дұрыс тамақтануға байланысты міндетті ол қалай атқарады», - дейді кейбір БАҚ өкілдері. Бельгия үшін бұл ереше маңызды, себебі, статистикаға сәйкес, ел халқының шамамен 47 пайызы артық салмақтан зардап шегеді.
Ал Блок ханымның өзі болса қандай да бір түсініктеме бермей жүр. «Маған менің сыртқы кейпіме қарап баға берудің қажеті жоқ. Қанша дегенмен, мен топ-модель емес, саясаткермін», - дейді шенеунік.
Осыған дейін Мэгги де Блок иммиграция істері министрінің орнында отырды. Сол кезде Бельгия азаматтығын алғысы келгендерге оңай болған жоқ. Бельгияда баспана алуға байланысты кері қайтарылған өтініштер шамамен екі есе өсті.