20-43 жас арпалығындағы күдіктілер Ақтөбе қаласының және Алға ауданының тұрғындары болып табылады. Олар 16 желтоқсан күні Алға ауданының Қарағандысай кентіндегі шаруа қожалығының күзетшісіне шабуыл жасағандарын мойындады. Күзетшіні байлап тастаған олар жалпы бағасы 500 мың теңгеден асатын 20 қой мен 1 ешкіні ұрлады.
Күдіктілердің айтуынша, ұрланған малды олар базарда сатып жіберген.
Қазіргі уақытта барлық күдіктілер уақытша ұстау абақтысында қамауда отыр. ҚР ҚК-нің 175 бабы және 179 бабымен қылмыстық іс қозғалды.
Бұдан басқа, күдіктілердің екеуі тағы бір жылқыны және 3 бұзауды ұрлағанын мойындады. Аталған ақпарат тексерілуде. Барлық фактілер бойынша тергеу шаралары өткізілуде.