«Қазақ әдебиеті» газетінің бас редакторы, жазушы Дәурен Қуат ел билігнің ұстанған саясатына қатысты пікір білдірді, деп хабарлайды Caravan.kz медиа порталы.
Жазушының пайымдауынша, сыртқы саяси күштердің қазаққа деген үрейлі ықпалы - жел сөз .
"Билік бізді орыспен қорқытатын. Әлі де қорқытып, қосүрейлі қылып отыр. Орыс бізді қытаймен қорқытып келеді.
Орыстың қазақты қорқытатын "бүжәйі" бір қытай емес. Ауғанстан. Талибан билігі. Қала берді — АҚШ пен Батыс. Қазақстан батыстанып кетсе, құриды-мыс, елдік нышанынан тұтас ада болады, т.т.
Қытай бізді қара нөпір халқымен, ықтимал экспанциясымен үрейлендіруде.
... Жалпы мұның бәрін жоққа шығаруға әсте болмайды. Бірақ бәрінен қорқа берсең — құтың қашады. Ең дұрысы — фобиясыз ел болу. Саясаткерлеріміз бастап бәріміз жұрттың үрейін ұшыра бермей, ұлттың рухын оятатын іске ұмтылсақ қайтеді осы?"- деді жазушы желіде.