Ал Қытайдың жеті азаматының ауылына қайту мерзімі әлі алыс. Себебі бірде-біреуінің тіпті жеке басын растайтын құжаты жоқ. Олардың қалай шекара асқаны, тіпті өңірдегі тері өңдейтін өндіріске қалай қызметке тұрғандары да түсініксіз. Өздері бар құжат жұмыс берушінің қолында деп ақталған. Ал басшылары шұғыл шетел асып кетіп, онымен байланыс үзілген. Бір жыл бойы иек астында жүрген келімсектерді тәртіп сақшылары тек арнайы тексеру кезінде анықтап отыр. Қытайлықтар сот санкциясымен қамауға алынып, облыс орталығына жеткізілді.
Гүлсара Мұхтарқұлова, Жамбыл облыстық ІІД баспасөз хатшысы:
-Жеке басын растайтын құжаттың болмауына байланысты, Қытайдың 7 азаматына қатысты материал толтырылды.Аудандық сотпен осы азаматтардың бостандығын шектеу жөнінде санкциясы алынып, қазіргі таңда бұл азаматтарды депортациялау бойынша жұмыстар жасалып жатыр.
Loading...