Бағдарламаны "Бәйтерек" холдингі өзінің еншілес ұйымы – "Даму" Кәсіпкерлікті дамыту қоры арқылы жүзеге асырады. Бұл жұмыстың аралық нәтижелері туралы брифингте "Бәйтерек" ұлттық басқарушы холдингі" АҚ басқарма төрағасының орынбасары Рустам Қарағойшин айтып берді.
Коронавирустық пандемияға байланысты биылғы жылы енгізілген шектеу шаралары көптеген кәсіпорындардың тоқтап қалуына және соның салдарынан шығындарға әкеліп соқты. Дағдарыс жағдайында "Бәйтерек" холдингі кәсіпкерлерге айтарлықтай қолдау көрсетуде. Ол көптеген қолжетімді құралдарды ұсынады, олардың көпшілігі "Бизнестің жол картасы" мемлекеттік бағдарламасында шоғырланған.
- Бірінші кезекте біз қаржыландыру қалалық және ауылдық кәсіпкерлер үшін қолжетімді болғанын қалаймыз. Бұл шаралар тек бизнес ашуға ғана емес, кәсіпкерлердің қолданыстағы бизнесты дамытуға арналған. Біз өңдеу өнеркәсібінде өндірілген өнім көлемін ұлғайту мақсатын көздедік. Шағын және орта кәсіпкерлікте бәсекеге қабілетті жаңа өндірістерді құруға және халықты жұмыспен қамтуды ұлғайтуға ниет білдірдік, - деп, Рустам Қарағойшин Холдингтің міндеттерін атап өтті.
Нәтижесінде 2010-2019 жылдар аралығында осы мемлекеттік бағдарламаның қатысушылары 25 триллион теңге көлемінде өнім өндірді.
- Егер мультипликативті тиімділік туралы айтатын болсақ, 1 теңге субсидияға 10 теңге несие тартылды деп айта аламын. Бұл қаржы институттары тұрғысынан өте жақсы көрсеткіш. 1 теңгеге 2,6 теңге несие қаражаты тартылды. Сонымен қатар, нәтиже көрсетіп отырғандай, 1 теңге субсидия бюджетке 135 теңге мен 8 теңге салық түсімін әкеледі, - деді Қарағойшин.
Ол "Бизнестің жол картасы" бағдарламасы 2025 жылға дейін ұзартылғанын еске салды. Қазір ол бизнеске қаржыландыруға қол жеткізуді жеңілдететін елеулі өзгерістермен жүзеге асырылуда. Субсидиялау құралы бойынша мысалдарды келтірсек, салалық шектеулер алынып тасталған, кәсіпкерлер үшін мөлшерлеме 6% деңгейінде біріздендірілді, субсидиялауға жататын кредиттер сомасы 5 жыл мерзімге 2,5-тен 7 млрд теңгеге дейін ұлғайтылды.
Кепілдік беру құралы бойынша да ілгерілеушілік бар: ісін жаңа бастаған кәсіпкерлер үшін 360 миллион теңгеге дейінгі кредиттерге кепілдік беріледі. Осыған қоса кредит сомасының 85%-ына кепілдік беріледі. Жұмыс істеп тұрған кәсіпкерлер үшін 1 млрд теңгеге дейінгі несиелерге кепілдік беріледі және несие сомасының 50%-ына кепілдік беріледі.
Рустам Қарагойшиннің айтуынша, кепілдендірілуге 500 миллион теңгеге дейін бағытталған, айналым қаражатын 100 пайыз толықтыратын несиелер жатады. Сондай-ақ сауда мен тыйым салынған қызмет түрлерінен басқа салалық шектеулер алынып тасталды.
- Бір қызығы, "Бизнестің жол картасы-2025" жаңа бағдарламасына тамақ өнімдерін, жуғыш заттарды, санитарлық-гигиеналық мақсаттағы қағаз бұйымдарын өндіру, автомобиль көлігімен жүк тасымалдау, қойма шаруашылығы, туризм, жалға алу және жеке немесе жалға берілетін жылжымайтын мүлікті басқару сияқты салалардағы ірі бизнес субъектілері енгізілді, — деп атап өтті спикер.