«Батыс» дивизионы аясында Жаңаөзен қаласында өткен жарыста Маңғыстау облысының командасы 9:1 есебімен қонақтарды - Атырау облысының құрамасын жеңді.
Ал «Солтүстік» дивизионы аясында Ақмола облысының Жақсы кентінде өткен кездесуде алаң иелері 6:4 есебімен Қарағанды облысының командасынан басым түсті.
Жартылай финалдың екінші жұбы 27 қазан күні анықталатын болады. Енді «Оңтүстік» дивизионы аясында жартылай финалға шығу мүмкіндігі үшін Шымкент қаласында өтетін жарыстарда Оңтүстік Қазақстан мен Алматы қаласының командалары бақ таластыратын болады. Ал «Шығыс» дивизионындағы жарыстар Өскемен қаласында өтеді. Онда Шығыс Қазақстан мен Алматы облысының командалары жұдырықтасады.
Қазақстан бокс федерациясы кубогының жартылай финалдық кездесулері 7 желтоқсан күні, ал ақтық матч 15 желтоқсанда Астана қаласында өтеді.