Қазақстанда халықаралық «Болашақ» стипендиясын беру үшін өткізілетін конкурсқа қатысуға құжат қабылдау мерзімі ҚР Білім және ғылым министрлігінің 25 ақпан күнгі бұйрығы бойынша бекітілді. Соған сәйкес құжат қабылдау 2014 жылғы 3-наурыздан 30-мамырға дейін, 30-маусымнан 31-шілдеге дейін, 1-қыркүйектен 31-қазанға дейін жүргізіледі.
Стипендия беру жөніндегі конкурс 2014 жылдың 1-мамырынан 2015 жылдың 31-қаңтарына дейін созылады.
Сонымен қатар, бұйрықта 2014 жылғы халықаралық «Болашақ» стипендиясының жеңімпаздарын тілдік курстар бойынша оқыту ұсынылатын алдыңғы қатарлы шетелдік ЖОО, шетелдік ұйымдардың тізімі де берілген.