Бұл жөнінде Астана экономикалық форумы: Global Challenges Summit 2018 барысында теорияшы физик, «Мүмкіндіксіз физика» бестселлерінің авторы Митио Каку мәлімдеді, деп хабарлайды Baq.kz тілшісі.
«Менің жер бетінде ешқандай да интеллектуалдық өмір жоқ екеніне көзім жетті. Алайда, мен алдағы 30-100 жылға қатысты оптимистік көзқарастамын. Алдағы 30 жылда компьютерлік чиптер өте арзан тұратын болады. Компьютерлік билік электр қуаты секілді барлық жерде болады, бірақ еш жерде байқала бермейді. Сол сияқты, компьютер сөзі ағылшын тілінен жоғалады. Интернетті, тіпті, көз линзаларында да қолдануға болады. Ол жарқ етсе, сіз онлайн тәртіпте интернетке шыға аласыз», - деген ол мұндай линзалар емтихан тапсыратын студенттер үшін үлкен сұранысқа ие болады деп әзілдеді.
Физиктің айтуынша, болашақта трансплантациялауға арналған органдарды зертханалардан оңай табуға болады.
«Сонымен қатар, медицина революцияландырылады. Себебі, чиптер тегін болады. Шағын ғана микроскопиялық чиптер сіздің ішкі ағзаларыңызды фотосуретке түсіреді. Бұл да адам жасын ұлғайтуға септігін тигізеді. Сонымен қатар, алдағы жақын болашақта адамзат баласы трансплантациялауға арналған органдарды зертханаларда өсіріп, дамыта алады. Мысалы, бауыр. Сіз қалағаныңызша ішімдік ішіп, кейіннен, өз бауырыңызды зертханада дамып-жетілген бауырға алмастыра аласыз. Сол сияқты, бұл чиптер де интеллектуалды болады», - деген ол чиптермен әңгімелесу де жақын болашақта іске асатынын айтты.
Оқи отырыңыз:
Әбунасыр Серіков өзі басқаратын “Нысана” театрынан кетті
Баян Алагөзова жаңа фильмге ұзын бойлы, сымбатты жігіт пен сұлу қыз іздеп жатыр
Қазақстанға турист әкелетін екі бағдарлама бар: Димаштың концерті мен біздің шоуымыз – Денис Тен