Бірақ алқа билерді іріктеу істі біраз тежеген. Бостонның федералдық соты бұған біріншіден үміткердің көптігі себеп десе, екіншіден олардың басым бөлігі Жохар Царнаевты бірден өлім жазасына кесуге дайын болған екен. Десе де, 1200 адамның ішінен 24 алқа би таңдап алынды. Сөйтіп, күллі АҚШ күткен сот келер аптада басталмақ. 2013 жылдың сәуірінде Бостондағы марафон кезінде екі жарылыс болып, 3 адам қаза тапқаны ел есінде. Жарылысты ұйымдастырған ағайынды Царнаевтар. Үлкені Темірлан құрықтау шарасы кезінде өлсе, кішісі Жохар ұсталған болатын. Сотқа лаңкестің «сыбайластары» деп айыпталған қос қазақ студенті – Диас Қадырбаев пен Азамат Тәжаяқов та қатысады.
Loading...