Бұл туралы сәрсенбі күні Батыстың бұқаралық ақпарат құралдары хабарлады.
«Бұл Кубок кімге керек? Бізге қажеті жоқ! Маған денсаулығымды түзеуге, білім алуға қаражат керек», - дейді демонстранттар.
Олар үкімет ғимараты орналасқан маңдағы көшелерді жауып, тәртіп сақшыларына тас атқан.
Осыдан біраз бұрын Әлем біріншілігіне қыруар қаржы жұмсап жатқан үкіметке қарсы наразылық шарасын автобус жүргізушілері өткізген болатын. Салдарынан елдегі 10 қалада қоғамдық көлік қозғалысы тоқтап қалған-ды. Соңғы бірнеше күндегі наразылық акцияларына оқытушылар мен полицейлер де қатысыпты.
БАҚ хабарлауынша, Бразилия 2014 жылы футболдан әлем чемпионатын өткізуге шамамен 11 млрд доллар жұмсамақ.