Brent маркалы мұнайдың бір баррелінің бағасы 46 доллардан асты. Осылайша, шикізат құны жыл басынан бері ең жоғарғы көрсеткішке жеткен. Ал WTI-дің бір баррелі 44,48 долларға сатылып жатыр. Сарапшылардың айтуынша, бұл жағдайға АҚШ-та қара алтын қоры азайды деген мәлімет себеп. Сондай-ақ Дүниежүзілік банк биылғы шикізаттың орташа бағасының болжамын барреліне 37 доллардан 41 долларға дейін арттырды. Мамандар қара алтын бағасының қымбаттауына осы ақпараттың да оң әсері тиді деп отыр.