Бұл туралы "Қазгидромет" РМК хабарлады.
Павлодар облысының кей жерлерінде бұршақ жаууы мүмкін, найзағай кезінде жел 17-22 м/с күшейеді.
Ақмола, Оңтүстік Қазақстан, Жамбыл, Қарағанды, Шығыс Қазақстан облыстарының кей жерлерінде бұршақ жаууы күтіледі, жел 15-20 м/с күшейеді.
Солтүстік Қазақстан облысының кей жерлерінде түнде және таңертең тұман күтіледі, күндіз жел 15-20 м/с болады.
Қызылорда, күндіз Батыс Қазақстан, Алматы облыстарының кей жерлерінде жел 15-20 м/с күшейеді.
Күндіз Алматы облысында, Шығыс Қазақстан облысының кей жерлерінде қатты ыстық болады.
Күндіз Қызылорда, Оңтүстік Қазақстан, Қарағанды, Шығыс Қазақстан облыстарының кей жерлерінде өте жоғары өрт қауіпі сақталады.
Астана қ: көшпелі бұлтты, кей уақытта жаңбыр жауады, найзағай болады. Солтүстік-батыстан соққан жел солтүстік-шығысқа ауысады, күші 9-14 м/с. Ауаның температурасы түнде +14+16°С, күндіз
+24+26°С болады.
Алматы қ: көшпелі бұлтты, күннің екінші жартысында өткінші жаңбыр жауады, найзағай болады. Жел 2-7м/с. Ауаның температурасы түнде +18+20°С, күндіз +30+32°С болады.