"Мен қарапайым депутатпын және өз міндетімді орындауға келдім",- деді ол журналистерге.
Б.Ақаева сайлау кезінде дауыс атып алу дерегін жоққа шығара отырып, ағасы Айдар Ақаев та елге оралып, парламенттегі қызметке кірісетінін хабарлады.
"Өз басым халық тарапынан қандай да бір проблема болады деп ойламаймын",- деп атап көрсеткен ол дегенмен еліне оралуға байланысты түрлі арандатушылық әрекеттердің жасалу мүмкіндігін жоққа шығармайды.
Қырғызстандағы танымал үкіметтік емес ұйым - "Демократия және азаматтық қоғам" Коалициясы Бермет Ақаеваның елге оралуы "республикадағы ахуалды тұрақсыздандыруға бағытталған ашық арандатушылық әрекет" деген мәлімдеме жасады.
Бұған дейін кейбір депутаттар Бермет және Айдар Ақаевтарды 24-наурызда республиканы тастап шыққандықтан және парламенттің отырыстарына қатыспағандықтан депуттатық мандаттан айыру керек деп талап еткен.