Жетекші БАҚ-тардың түрлі қайғылы әрі оқыс оқиғалар мен олардың залал-зардаптары туралы хабар тарату бағыттары мен технологиялары отырыс барысындағы әңгіме өзегіне айналды. Кеңеске қатысушылар цунамиден зардап шеккен Оңтүстік Шығыс Азия елдерінен ағылған ақпараттарды қабылдап таратуға БАҚ-тардың дайын болмай шыққанын атап өтті.
Сонымен бірге отырысқа қатысушылар табиғи зілзаланың кейбір жекелеген егжей-тегжейі негізсіз алға тартылып, керісінше, дүниежүзілік қауымдастық тарапынан зардап шеккен аймақты қалпына келтіру бағытында жұмсалып жатқан күш-жігерлер мен ұзық мерзімді жоспарлар туралы айтылмай қалғанын тілге тиек етті.
Сонымен бірге табиғи зілзалалардың жойқын күшіне қарсы тұруда әлемдік қауымдастықтың күшін біріктіру қажеттігін, және осы тұрғыда БАҚ-тардың айрықша маңызды роль атқаратынын спикерлер атап өтті.