“Қайырлы күн, менің қымбаттыларым. Бүгін сіздерге алғыс айтқым келіп отыр. Мен өткен түні үздік атандым. Қолдауларыңыз үшін көп рахмет. Мен сіздердің махаббатарыңызды сеземін. Сіздерді қатты жақсы көремін”, – деп бөлісті Димаш желідегі парақшасында.
Айта кетейік, The World’s Best (“Әлем үздігі”) байқауы АҚШ-та 3 ақпан күні бастау алды. Қазақстандық көрермендер эфирді тек кеше, 7 ақпан күні тамашалай алды. Шоудың алғашқы кезеңінде Димаш Құдайберген француздың S.O.S d’un terrien en détresse туындысын орындаған. Ол қазылар алқасының ең жоғары ұпайына ие болып, қатысушылар арасында көш бастады.