Қазақстандық әнші Димаш жаңажылдық кеште жаңа кейіпке енеді, деп жазады Skifnews.kz ақпарат порталы.
Димаш «ақ боз атты ханзада» кейпіне енетінін өзінің Instagram-парақшасында мәлімдеді. Оның жаңа образынан көрермендер ертегі әлеміне саяхаттағандай күй кешетіні анық.
«Ресейдің жаңа жылдық түсірілімдерінде мен ханзаданың рөлін сомдаймын. Өзіңді ханзада сезіну – өзгеше сезім сыйлайды екен. Жаныма майдай жағып жатыр», - деп бөлісті Димаш.
Әнші тағы бір сырымен бөлісті. Қытайдағы жаңажылдық кеште ол өзін сомдап шығады екен.
«Бұл жақсы болды, өзіңді сомдау – басқа рөлдерге қарағанда әлдеқайда жеңіл», - деп ағынан жарылды Димаш.