Құлсарыдан Атырауға көшеміз деген отағасы жазда 4 баласын мектептен, 2 балабақшадан шығарып алыпты. Содан еш жерге бермей, үйінде ұстаған. Аудандық білім бөліміндегілер қанша үгіттегенімен, жат ағымның жетегінде жүрген ата-ана үзілді-кесілді бас тартып отыр. Ақыры іске полицияны араластыруға тура келді. Қазір алты бала да арнайы интернатта. Ата-аналарының ықпалымен еріксіз мектеп пен балабақшадан қалған бүлдіршіндермен психологтар жұмыс істеуде. Ал әке-шешесіне қатысты қылмыстық іс қозғау мәселесі қаралып жатыр.
Оразбике Хамиева, психолог:
- Бұлар енді сөйлеген сөздері де іштегі балаларға қарағанда басқаша, жаңағыдай Аллах деп, бізге ата-аналарымыздың атын айтуға болмайды, біз намаз оқимыз, жаңағыдай өзіміздің ағымымызбен жүреміз деп айтады.