ЕАЭО мемлекет басшылары биылғы жылы украин дағдарысын талқылауда жалғастырмақ. Бұл туралы Қазақстан президенті Нұрсұлтан Назарбаев мәлімдеді.
«Әрине, біз украин дағдарысы, оған байланысты Ресей мен біздің елдерімізге әсер ететін санкцияларға қатысты мәселелер бойынша пікір алмасқымыз келеді»,- деп Н.Назарбаев бүгін Астанада Ресей президенті Владимир Путин мен Белоруссия президенті Александр Лукашенкомен келіссөздер барысында атап көрсетті.
«Қазақстан ТМД-да, Белоруссия ЕАЭО-да төрағалық етеді. Күзде ТМД елдері бізде кездеседі, 9 мамырда Жеңістің 70 жылдығында мәскеуде кездесеміз. Яғни, алда көпжақты кездесулер өтеді», дейді ол.