Жолаушылар кең жолақты ғаламторға қол жеткізу үшін 1500-7500 теңгеге дейін ақша төлейді.
Әуе компаниясының корпоративті коммуникациялар департаментінің хабарлауынша, «Боинг-767» бортында Inmarsat's Global Xpress (GX) Aviation желісімен жұмыс жасайтын Rockwell Collins кабиналық жүйесі орнатылды.
Жолаушылар бортта планшет, смартфон, компьютер қолдана алады.
Атап айтқанда, "Старт" пакеті 15 МБ - 1500 тг, "Бизнес" пакеті 50 МБ - 4500 тг, "Cупер" пакеті 100 МБ - 7500 тг болмақ.
«Компанияның басты міндеттерінің бірі - жаңа технологияларды енгізу, жерде болсын, көкте болсын жолаушылардың талап-тілегін орындау», - деді компания өкілі Андрей Гулев.
«GX Aviation - бұл борттағы кең жолақты интернет байланысын қамтамасыз ететін бірегей өнім. «Эйр Астана» мұндай қызметті әлемде кең фюзеляжды ұшақтарда бірінші рет енгізіп отыр», - деді Inmarsat Aviation өкілі Фредерик ван Эссен.