"2017 жылы 30 шілдеде "Эйр Астана" әуе компаниясының Алматы-Ақтау бағларлы КС 884 рейсін орындаушы Airbus A321 ұшағы ұшып бара жатқан кезде құспен соқтығысқан. Ұшақ Алматыдан 22:25-те ұшып шыққан. Ұшу қауіпсіздігі мақсатында экипаж ұшақты әуежайға қайтаруға шешім қабылдады. Ұшақ 23:40-та Алматы әуежайына сәтті түрде қонды", — деп хабарлады компания.
Баспасөз қызметі атап өткендей, әуекомпания инженерлері ұшақты тексеріп шығып, еш жері бүлінбегенін анықтады.
Содан соң ұшақ Ақтауға 00.55-те аттанып кеткен.