Қазақстан президенті Қасым-Жомарт Тоқаев Геннадий Головкинді құттықтап, Twitter-дегі парақшасында жазба жариялады,sputnik.kz
"Геннадий Головкинді сенімді жеңісімен құттықтаймын! Біздің боксшымыз орта салмақта IBF және IBO тұжырымдамасы бойынша әлем чемпионы атағын қорғады. Гена өзінің жоғары шеберлігі мен жеңіске деген мықты ерік-жігерін тағы бір мәрте дәлелдеді. Еліміз өзіңмен мақтанады!", - деп жазды мемлекет басшысы.
Еске сала кетсек, жерлес спортшы титулдық жекпе-жекте Камил Шереметаны тізе бүктірген болатын. Бірінші раундта Головкин жойқын соққымен қарсыласының жағдайын нашарлатты. Алайда Шеремета кездесуді жалғастырды.
Жекпе-жек барысында польшалық спортшы төрт рет нокдаунға түсті. Командасы жеті раундтан кейін жеңілісті мойындап, жекпе-жекті жалғастырудан бас тартты.