Балхаш, Теміртау және Қарағанды қалалары ең лас қалалардың санатында қалып отыр. Ауаға тасталатын зиянды заттардың 80 проценттен астамы осы қалалардың үлесінде.
Б.Смағұловтың айтуынша, соған қарамастан, Қарағанды облысында қоршаған ортаны ластағаны үшін төлейтін төлемдерге ең төмен ставка белгіленген. “Өткен жылы 4 мыңнан астам төлеуші бюджетке небәрі 813,6 млн. теңге аударды. Оның 200 млн. теңгесі ғана табиғат қорғау шараларына жұмсалды”,- деді Б.Смағұлов. Оның айтуынша, биыл алымдар мөлшерін 1,2 млрд. теңгеге дейін арттыру көзделіп отыр.
Аумақтық басқарма бастығының айтуынша, тазарту қондырғыларының ахуалы да бұрынғыдай проблема күйінде қалып отыр. “Олар жеке меншік фирмалардың меншігінде. Олар күрделі жөндеу жүргізбейді, жете назар аудармайды. Соған байланысты тазарту қондырғыларын коммуналдық меншікке беру мәселесін көтеру керек”, деді Б.Смағұлов.