Қазақстанның кәсіпқой бокс федерациясының вице-президенті Виктор Демьяненко Vesti.kz порталының тілшісіне орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкиннің маусым айында Қазақстанда жекпе-жек өткізуден бас тартқандығына байланысты пікірін білдірді.
- Мен бұл туралы естідім. Солай болатынын іштей сезген де едім. Бірақ мен Головкиннің мен "Канелоның" командасы арасындағы келісімшарт қай деңгейде екенін білмеймін. Өйткені, Саульдің алда жекпе-жегі бар ғой. Чавеспен өткізген жекпе-жектен кейін "Канелоны" жағдайы қалай болады? Бұған да мән бергініміз дұрыс, - дейді Демьяненко.
- Сіздің ойыңызша Головкин маусымдағы жекпе-жектен бас тартып, дұрыс шешім қабылдады ма?
- Менің ойымша, бұл шешім дұрыс емес. "Канеломен" келісімшарт әлі жасалған жоқ. Сол себепті оған маусымда Сондерспен кездесу керек еді. Ал WBC конвенциясы кезінде тағы бір қарсыласпен жекпе-жек өткізген дұрыс шешім болатын тұғын. Сөйтіп, осы екі кездесуден-ақ жақсы табыс табатын еді. Мен әу баста Головкин бір жекпе-жек өткізетінін білдім. Енді оның командасы осындай жол таңдапты. "Канеломен" жекпе-жекті ұйымдастыру қаншалықты мүмкін екенін білмеймін, біз енді тек күте аламыз. Жағдай кез-келген уақытта өзгеріп кетуі ықтимал.
- Мүмкін қазақстандық тарап келіссөздерді тым созып жіберген шығар. Сол үшін де Головкин бұл кездесуден бас тартты деп ойламайсыз ба?
- Шыны керек, бұл жерде біз ештеме шешкен жоқпыз. Біз тек жекпе-жек кешін ұйымдастыруға көмектесеміз. Ал EXPO мен спорт басқармаларының келіссөздерді созып жіберу тек Головкиннің командасынан нақты бір жауаптың жоқ болуына байланысты болған жағдай. Джейкобспен болған жекпе-жектен кейін оның командасы жоспарларын бірден бекітіп алу керек еді. Негізі нақты жоспарымыз бар деп айтқан сияқты еді. Дегенмен нақты келісімшартқа қол қойған жоқ. Барлығы тең әңгіме жүзінде болды. Сондықтан бұл жағдайдың соңы осылай болғанына таң қалудың қажеті жоқ.
- Енді Головкиннің жекпе-жегін Қазақстанда қашан өткізуге мүмкіндік болады?
- EXPO кезінде Головкиннің жекпе-жегін ұйымдастыратын шынайы мүмкіндік болды. Оның үстіне Сондрес те Астанаға келуге дайын болды. Бізді бұл жекпе-жекте Головкиннің қанша пайда табатыны қызықтырмау керек. Ол жұмыстармен Головкиннің промоутері айналысу керек. Біз EXPO кезінде "Головкин-Қазақстан" деп аталғанын қалаған едік. Бірақ, өкішіншке қарай, барлығы біз ойлағандай болмады.
Айта кетейік, кеше Геннадий Головкиннің маусым айында Астанада Билли Джо Сондреспен өтуі мүмкін деген жекпе-жектен бас тартқаны туралы белгілі болған еді. Оған Головкиннің қыркүйекте "Канеломен" жекпе-жек өткізуі себеп болған.