Іс-шара қоғамдық қауіпсіздікті қамтамасыз ету, көшедегі және қоғамдық орындардағы қажетті тәртіпті сақтау, қылмысқа қарсы күресті күшейту және астана аумағында қылмыс пен құқық бұзушылықты ескерту мақсатында өтіп жатыр.
ЖПШ басталғалы 100-ден аса қылмыс әшкере болып, іздеуде жүрген 11 қылмыскер ұсталды. 2800 әкімшілік құқық бұзушылық анықталып (олардың 1300-ден көбі тіркеусіз немесе құжатсыз тұрып жатқандар), ҚР-да жүріп-тұру ережесін бұзған шетелдіктердің 330 фактісі тіркелді. 150-ден астам бұзақылық пен мас күйінде көлік айдаған 60 жүргізуші ұсталды, - делінген хабарламада.