"ЕҚЫҰ Демократиялық институттар және адам құқығы жөніндегі бюросы бүгін "Қазақстанда алқа билердің қатысуымен өткен сот мәжілістеріне мониторинг жүргізу" атты жоба бойынша алдын-ала есептің тұсаукесерін өткізді", - деді ол. "Есепте көрсетілген ұсыныстарды соттар мен барлқы мүдделі органдар жан-жақты талқылайды", - деді Қ.Мәми.
Құжатта жалпы алғанда Қазақстанда алқа билер институтын жетілдіру жөнінде 40 нұсқау берілген.
ЕҚЫҰ Демократиялық институттар және адам құқығы жөніндегі бюросының сарапшысы Данияр Қанафиннің нақтылауынша, 2007 жылдың 1 қаңтары мен 31 желтоқсаны аралығындағы мониторинг барысында 10 облыс пен Алматы және Астана қалаларында арнайы дайындалған байқаушылар 28 процеске барған. Олар сондай-ақ, Қазақстанның 10 облысында алқа билердің тізімін жасау тәжірибесін зерттеді. Жалпы осы мерзімде елде алқа билердің қатысуымен 40 сот мәжілісі өтті.