Қазір «Экспоның» 46 жастағы экс-басшысы Есілдің жағалауындағы кіл байлар тұратын мына пентхауста том-том айыптау қорытындысымен танысып жатыр. Жалпы, «Экспо-2017» ұлттық компаниясындағы жемқорлық дауы бойынша шатылып жатқан 24 адамның тек 8-і іспен танысқан. Қалғандары сот алдында жауап берер күнді барынша ұзартқысы келсе керек, қосымша уақыт сұрапты. Бірақ прокурорлар мұндай қулыққа жол бермейміз деп отыр. Айта кетейік, Ермегияев көрмеге бөлінген 4 миллиард 200 миллион теңгені қолды деп айыпталуда. Тұтқындалғандар қатарында экс-төрағаның кеңесшісі, атышулы Мақсат Үсеновтың әкесі Қажымұрат Үсенов те бар.
Loading...