Ресей мен Словакия арасындағы матчта орыстар о бастан әдіс-тәсілмен ойнайтынын көрсеткісі келді. Тіпті жиі шабуыл жасаумен болды. Бірақ Словакия құрамасының қорғанысы мықты еді. Ресейліктер басымдық танытуға қанша тырысқанымен, бірінші таймның екінші жартысында словактар есеп ашып тастады. 32-ші минутта Марек Гамшик берген допты Владимир Вайсс қақпаға дәл бағыттап, гол соқты. Екінші голды бірінші таймның соңғы сәтінде Гамшиктің өзі салды. Ал орыстар 80-ші минутта бір голды әрең соқты. Сөйтіп, ойын словактардың жеңісімен аяқталды.
Ресей – Словакия – 1:2
Ресей құрамы: Акинфеев, Смольников, В. Березуцкий, Игнашевич, Щенников, Нойштедтер, Головин, Шатов, Кокорин, Дзюба, Смолов.
Словакия құрамы: Козачик, Пекарик, Шкртел, Дюрица, Губочан, Куцка, Печовски, Мак, Гамшик, Вайсс, Дуда.
Румыния мен Швейцария арасындағы матчта бірінші таймның жартысына жетпей есеп ашылды. Румын Богдан Станку 18-ші минутта пенальтиден гол соқты. Ал швейцариялақтар 57-ші минутта есеп теңестірді. Бұрыштан тепкеннен кейінгі румын қақапасы алдындағы топырлаған ойыншылар арасынан допты Адмир Мехмеди оп-оңай кіргізіп жіберді. Матч осылай тең аяқталды.
Румыния – Швейцария – 1:1
Румыния құрамы: Тэтэрушану, Рац, Кирикеш, Кипчу, Пинтили, Торже, Кесеру, Препелицэ, Станку, Григоре, Сэпурану.
Швейцария құрамы:
Зоммер, Лихтштайнер, Сеферович, Джака, Родригес, Джемаили, Мехмеди, Джуру, Шер, Шакири.
Франция мен Албания арасындағы матчтың да өзгелерден айта қаларлықтай өзгешелігі болған жоқ. Тек бірінші тайм бірде-бір гол соғылмай аяқталды демесеңіз. Тіпті қосымша уақыт берілсе де, жағдай өзгермеді. Екінші таймның соңына дейін де ойыншылар талай оңтайлы сәтті жіберіп алды. Тек 90-шы минутта есеп ашылды. Француз Антуан Гризманн баспен гол соқты. Одан кейінгі қосымша берілген уақыттың 6-шы минутында алаң иелері қарсыластарының қақпасына тағы бір доп салды. Гол авторы – Дмитри Пайе.
Франция – Албания – 2:0
Франция: Льорис, Рами, Косельни, Санья, Эвра, Матюиди, Пайе, Канте, Коман (Гризманн, 68), Марсиаль (Погба, 46), Жиру (Жиньяк, 77).
Албания: Бериша, Лила (Роши, 71), Хюсай, Маврай, Леньяни, Аголли, Айети (Весели, 85), Кукели (Джака, 74), Мемушай, Абраши, Садику.
Бүгінгі ойындар:
16 маусым, бейсенбі
18:50. «Kazsport». Англия — Уэльс
21:50. «Қазақстан». Украина — Солтүстік Ирландия
00:50. «Қазақстан». Германия — Польша