Франция президенті Франсуа Олланд пен ГФР канцлері Ангела Меркель Мәскеуге келіссөздерге аттануға бел буды. Өйткені, Американың Украина дағдарысын реттеуге қатысты ұсыныстары олардың көңілінен шықпай отыр, деп жазады француздың «Нувель обсерватер» басылымы.
Басылымның хабарлауынша, бұл сапар туралы идея Париж, Берлин мен Мәскеу арасындағы құпия келіссөздерден кейін туындап отыр.
«Сапардың мақсаты Украинаға қару-жарақ беру туралы идеясын еуропалықтарға күштеп таңғысы келетін американдықтардың алдын орау болса керек» деп жазады журнал.