Сергей Волгин өз өтінішімен қызметінен кетті.
«Ақжайық» футбол клубынан түскен мәліметке қарағанда, тараптардың өзара келісімі бойынша осындай шешім қабылданған. Қазіргі кезде клуб басшылығы бұл орынға бірнеше маманның кандидатурасын қарастыруда.
Айта кетейік, биыл премьер-лигаға қайта оралуды мақсат еткенмен, «Ақжайық» әзірге алтыншы орында ғана тұр. Команда 21 маусым күні бірінші лигада көш бастап келе жатқан Семейдің «Спартагын» қабылдайды. Сөйтіп басты кездесудің қарсаңында «Ақжайық» бас бапкерсіз қалып отыр.
Осыған дейін өз ойындарын «Ақжайық» футбол клубының стадионында өткізіп келген батысқазақстандықтар енді П.Атоян атындағы стадионда бақ сынап көрмек.