Бұл турдағы орталық матч шілденің 18-і күні Қарағандыда болады. Турнир кестесінде екінші орында тұрған жергілікті «Шахтер» үшінші орында келе жатқан Павлодардың «Ертіс» командасын қабылдайды. Ал, көш басындағы Қостанайдың «Тобылы» болса өз алаңында Алматының «Қайрат» клубымен ойнайды. Сондай-ақ осы күні «Ордабасы»-«Жетісу», «Ақжайық»-«Локомотив», «Атырау-«Тараз» командалары кездеседі. Ал, бұл турдағы ойынды ертең «Ақтөбе» мен «Оқжетпес» командалары бастайды.