Бұл турдағы орталық матч Қарағандыда болды. Бұл турға дейін турнир кестесінде екінші орында тұрған жергілікті «Шахтер» үшінші орында келе жатқан Павлодардың «Ертіс» командасын қабылдап, 0:1 есебімен ұтылып қалды. Ал, көш басындағы Қостанайдың «Тобылы» болса өз алаңында Алматының «Қайрат» клубымен кездесіп, 3:1 есебімен жеңді. «Шахтердің» мүлт кеткенін «Ақтөбе» тиімді пайдаланды. «Ақтөбе» Көкшетаудың «Оқжетпес» командасын қабылдап, 4:1 есебімен жеңді. Сөйтіп 34 ұпаймен турнир кестесінің үшінші сатысына көтерілді. Бірінші орында 38 ұпаймен «Тобыл», ал екінші орында 37 ұпайы бар «Ертіс» келеді. Осы турдағы жеңілісінен кейін «Шахтер» 33 ұпаймен төртінші орынға сырғыды. Бұл турдағы қалған матчтардың нәтижелері мынадай: «Ордабасы»-«Жетісу» 2:1, «Ақжайық»-«Локомотив» 2:2, «Атырау-«Тараз» 1:0.