Генерал Ұлттық қауіпсіздік комитетінің тергеу қапасынан санитарлық бөлімге ауыстыру жайлы бірнеше рет өтініш білдірген екен. Бірақ бұған ешкім жауап қатпаған көрінеді. Сонымен қатар денсаулық жағдайына байланысты бұлтартпау шарасын өзгертіп, үйқамаққа алу жайлы өтініш те жасалыпты. Жоламановтың жұбайы сұхбат барысында бұғауланған дүние-мүліктің жайын да айтқан. Яғни бірнеше пәтер мен жеке үй және қымбат көліктердің бірі де генералға тиесілі емес екен. Қағаз жүзінде барлығы туыстардың меншігі. Дегенмен Гүлнар Жоламанова байлықтың барлығы күйеу баламның маңдай тері депті. Ал тінту барысында табылған 7 млн теңгені Астана іргесіндегі үйдің қарызын төлеуге жинаған екен. Генерал Жоламанов шекара шебін нығайтуға деп бөлінген мемлекеттің миллиардтарын жымқырды деп айыпталуда.