Ғалымдардың халықаралық тобы бұны алкогольдік ішімдіктерден көріп отыр.Олардың пікірінше, алкогольдік ішімдіктердің ішінде әсіресе арақ адамға өте зиянды, деп хабарлайды Би-Би-Си.
Lancet медициналық журналында Ресейдің Барнаул, Бийск, жән Томск қалаларында 1999-2010 жылдар аралығында алкогольді тұтыну мәдениетін зерттеу нәтижесі жарияланды.
Зерттеушілер Ресейдегі ер адамдардың төрттен бірі 55-ке жетпей өмірден өтетінін атап өткен. Олардың көбісі арақты көп ішкендер болып шықты.
Ішімдікке қатты салынғандар әртүрлі қатерге тап болады. Айталық ішімдіктен уланып қалады, өзіне-өзі қол жұмсауға дейін барып, тамақ және бауыр қатерлі ісігіне шалдығып жатады.
Ұлыбританияда халықтың 7 пайызы ғана болмаса, қалған көпшілігі 55-тен асып өмір сүреді екен.
Зерттеу авторларының бірі, Оксфорд университетінен Ричард Петоның сөзіне қарағанда, орта есеппен алғанда ересек ресейлік азамат үшін жылына 20 литр арақтан келеді