Сұралған адамдардың 86 пайызы суық тиген адамның қолын ұстаудан бас тартқан. Әр бесіншісі науқаспен кездесуге бармаған. 79 пайызы мұрнын тартқан әріптесінен бойын алыс ұстаған. 34 пайызы жөтелген адамнан алшақ жүрсе, 32 пайызы әлсін-әлсін түшкірген адамға жоламаған, деп хабарлады «Медвести».
Тұмау жұқтырудан әйелдер қатты қорқады екен. Ер адамдар бұған қалыпты қараған. Сұралғандардың 46 пайызы вирус жұқтырған адамдармен сүйісуден бас тартпаған.
Заманауи зерттеулер деректеріне сүйенсек, адам көп шоғырланған орындарда (қоғамдық көлік, кезекте тұру, кеңседе), инфекция жұқтырған адаммен тікелей қарым-қатынаста болатын иммунитеті төмен адам вирусты жылдам жұқтыратын болған.