"Менің білуімше, ІІМ басшылары әкімшілік кодексіне күшейтулер енгізуді жоспарлауда (заңсыз мигранттарды еңбекке тартқаны үшін қолданылатын әкімшілік жауапкершілікті -Kazakhstan Today ескертуі), бұл қазір үкіметтік деңгейде шешілуде",- деді Б. Колениченко. Оның ақпараттарына сүйенсек, әңгіме жеке тұлға үшін салынатын айыппұлды 100 айлық есептік көрсеткішке дейін, заңды тұлғалар үшін 300-ден 500 айлық есептік көрсеткішке дейін көтеру туралы болып отыр. "Қолданылатын шаралар одан да қатайтылуы , бұл мәселе талқылануда",- деді Астана қаласының ІІД көші-қон полициясының бастығы.
Ол сонымен қатар, заңсыз еңбек мигранттарын заңдастыру іс-шарасының аяқталуына және оның "барлық қорытындыларын, барлық артықшылығы мен кемшіліктерін" айқындау нәтижесі бойынша ІІМ басшылары рақымшылық алу мүмкіндіктерін пайдаланбаған заңсыз еңбек мигранттарын табуға қатысты кең көлемдегі жедел - алдын алу шараларын жүргізуді жоспарлап отырғанан хабарлады. Б.Колесниченконың түсіндіруінше, бұл операция кезінде "тек мигранттарды ғана емес, сондай-ақ жұмыс берушілерді де жауапқа тартуға баса назар аударылады, өйткені, "заңсыз еңбек мигранттарын заңдастыруға байланысты рақымшылық туралы" заңға сәйкес рақымшылыққа қатысу жауапкершілігі жұмыс берушіге жүктеледі. Бұл іс-шара келесі жылдың қаңтар айынан басталуы мүмкін"- деді Астана қаласының көші-қон полициясының бастығы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті