Оған қатысушылардың орташа жасы 60-ты құрады. Әйелдер тамақтану мен салауатты өмір салты туралы 350 сұрақтан тұратын сауалнаманы толтырды. Содан кейін ғалымдар қытасушыларды 10 жыл бойы бақылаған, деп хабарлады Science World Report.
Зерттеушілер салауатты өмір салтын сақтаудың 5 тәсілі - дұрыс тамақтану, алкогольді орынды тұтыну, темекіден бас тарту, физикалық белсенділіктің жоғары деңгейі және артық салмақ қоспауды ұсынды. Дұрыс тамақтанудың негізіне олар тамақпен бірге жеміс-жидек, көкөністер мен майсыз сүт өнімдерін пайдалануды таңдады. Алкогольді орынды тұтыну межесі ретінде аптасына 3-9 рет ішу белгіленді. Физикалық белсенділік ретінде велосипедпен күніне 40 минут жүріп, аптасына бір сағат көлемінде энергияны шығаратын дене жаттығуларын жасау қарастырылды.
Әйелдердің көбі 2-3 кеңесті ғана іс жүзінде ұстанды, ал бесеуін де ұстанғандар - 589 болса, біреуін де жасамағандар - 1525 болып шықты. Осы зерттеуге қатысқандардың 1554-інде инсульт дами бастаған. Ұсынылған бес тәсілдің бәрін ұстанған әйелдердің инсульт қаупі оны мүлде ұстанбағандарға қарағанда 54 пайызға төмен болды.