31 жастағы ер адамның қылмыстық әрекеті жайлы құлақтанған полиция оны «гашиш» есірткісін сатып жатқан жерінен ұстады. Жедел операцияны «Арлан» арнайы бөлімінің жасағы жүргізді.
Дәмхана қожайыны келушілерге 1 келі 300 грамм болатын «тауарды» әзірлеп қойғаны белгілі болды. Сондай-ақ, есірткіні қапшыққа салатын құрал мен ас үй таразысы табылды.
Қалалық ІІД-нің Есірткі бизнесіне қарсы күрес басқармасының басшысы Азамат Садыровтың айтуынша, күдікті қазір қамауға алынды.
Тергеу амалдары жалғасуда.