Сұлулық сайысына әлемнің 11 елінен келген 32 қыз бала қатысқан. Камалия Коэтзи 7 және 9 жас аралығындағы санат бойынша сұлулық ханшайымы атанды. «Миссис» санаты бойынша сынға түскен Камалияның анасы Лола Коэтзи «Бірінші ханшайым» атанды.
«Камалия осымен жетінші рет сұлулық байқауына қатысып тұр, ал халықаралық сахнаға екінші рет шықты, 2010 жылдың жаз мезгілінде Камалия Болгарияда өткен «King and Quеen of the World» байқауының жеңімпазы атанған еді. Ал Оңтүстік Африка Республикасында өткен байқауда Қазақстаннан тек Камалия ғана қатысты. «Ең үздік ұлттық киім» аталымы бойынша әділ қазылар алқасы қызымыз екеуімізді де атап өтті, мен оған өте қуаныштымын», - дейді Лола Коэтзи.
Қазір жас ару Ақтөбе қаласындағы №9 гимназияның үшінші сыныбында білім алып жүр.