Төтенше жағдайлар министрлігінің баспасөз қызметінің хабарлауынша, 28 қыркүйектегі жағдаймен "Баку" кемесінің экипажын іздестіру жұмыстарына Қазақстан Республикасының Төтенше жағдайлар министрлігінің 3 құтқарушысы мен Астраханның сүңгуірлерлері, "Атырауөзенпорты" АҚ-ның 2 кемесі мен "ҚазЭйрВест" әуе компаниясының 1 тікұшағы жұмылдырылған. "Іздестіру жұмыстары жалғасуда", - деп хабарлайды баспасөз қызметінен.
Бұдан бұрын да хабарлағанымыздай, "Атырауөзенпорты" АҚ тиесілі "Баку" кемесі 19 қыркүйекте 8 сағат 30 минутта суға батып кеткен. Кемеде экипаждың 4 мүшесі болған. Келесі күні суға батып кеткен кеме табылған, ал оның экипаждары табылмай отыр.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті