Мәжіліс төрағасы Ерлан Қошанов Қазақстан Республикасы Парламенті палаталарының бірлескен отырысын шақыру туралы өкімге қол қойды, деп хабарлайды Caravan.kz медиа порталы.
"Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы Парламенті палаталарының бірлескен отырысы 2024 жылғы 2 қыркүйекте сағат 11.00-де Астана қаласында шақырылсын", — деп жазылған бұйрық мәтінінде.
Естеріңізге сала кетейік, ҚР Парламенті Мәжілісі мен Сенатының депутаттары 2024 жылғы 28 маусымда VIII сайланған екінші сессияның жұмысын аяқтап, демалысқа шықты.