Бұл туралы Caravan.kz медиа порталы sputnik.kz-ке сілтеме жасап хабарлайды.
Қазақстанда сүт және тауарлы сүт өнімдері тағы қымбаттады.
Ұлттық статистика бюросының дерегіне сай, 2026 жылдың қаңтар-сәуір айларында сүт бағасы былтырмен салыстырғанда 9,4%-ке қымбаттаған. Бұл – инфляцияның, яғни бағаның біртіндеп өсуінің салдары.
Соңғы бір жылда сүт өнімдері ай сайын аздап қымбаттап отырған:
сүт – орта есеппен 0,8%,
ашытылған сүт өнімдері – 1,1%,
сүзбе – 0,9%,
ірімшік – 1,1%.
Бағаның өсуіне негізінен шикі сүттің қымбаттауы себеп болды. Яғни, фермерлер мен өндірушілер сүтті қымбатырақ сата бастаған, соған байланысты дүкендегі дайын өнімнің бағасы да өскен.
Қаңтар-сәуір айларында сиыр сүтінің бағасы 8,6%-ке көтерілген.