Бұл туралы Caravan.kz медиа порталы Stan.kz -ке сілтеме жасап хабарлайды.
Жаңа ережеге сәйкес, саусақ ізі туралы ақпаратты жинау жеке куәлікті немесе ел азаматының төлқұжатын алғаш рет алуға ниет білдірген қазақстандықтардан аталған құжаттарды қалпына келтіру немесе ауыстыру кезінде жүзеге асырылады. Бұл олардың келісімі бойынша жүргізіледі. Алдыңғы ережелер жинағында келісім міндетті емес болатын.
16 жасқа толған шетелдіктерден, сондай-ақ Қазақстанда уақытша немесе тұрақты тұруға өтініш бергендерден "саусақ ізі" алынады. Жаңа ереже Қазақстаннан шығарылғандарға да қатысты.
Елден шығарылатын шетелдіктер мен азаматтығы жоқ адамдардың денесінде қандай да бір кемістігі болса, олардың алақанынан саусақ іздері алынады.
Алайда, егер адамның қолы немесе екі қолдың барлық саусағы жоқ болса, шетелдіктер бұл процедурадан босатылуы мүмкін.
Айта кетейік, бұған дейін Тоқаев тұрмыстық зорлық-зомбылық туралы заңға қол қойғаны туралы жазған едік. Заңның мақсаты – әйелдер мен балаларға қатысты зорлық-зомбылық үшін жазаны қатаңдату.