Бұл туралы Caravan.kz медиа порталы Tengrinews.kz-ке сілтеме жасап хабарлайды.
Қазақстандықтар күн сайын орта есеппен 35,1 миллион қолма-қол ақшасыз транзакция жасап, олардың жалпы сомасы 453,6 миллиард теңге болған. Қолма-қол ақшасыз төлемдердің үлесі барлық операциялардың 98 пайызын, ал жалпы көлемнің 87 пайызы болған. Бұл халықтың цифрлық қаржы құралдарына деген жоғары сенімін көрсетеді.
Транзакциялардың негізгі бөлігін – 90 пайызы – қазақстандықтар банк онлайн-сервистері арқылы жүргізген. Сонымен қатар, интернет және мобильді банкинг қолданушыларының саны 13 пайызға артып, 25,9 миллион адамға жеткен. Орта есеппен, әрбір пайдаланушы жылына 6,1 миллион теңгенің онлайн-транзакциясын жасаған.