Еркін айналымға жіберілгеннен бері 409-510 теңге аралығында құбылғаны болмаса, акциялардың ауытқу көрсеткіші қалыпты деңгейде. Әрі олар Қазақстан қор биржасындағы ең өтімді құнды қағаздар тізімінде бірінші орында. Бүгінгі күні компанияның әр акциясы 500 теңгеден сатылып жатыр.
Сарапшылар бұл жерде құнды қағаздар нарығындағы компания имиджінің де ықпалы зор екендігін айтады. Өйткені “KEGOC” отандық энергетика саласындағы көшбасшы компания. Акционерлер де аталмыш компанияның болашағына сенгендіктен қаржы құйғандықтарын айтады.