Бұл жайлы ҚХР СІМ ресми өкілі Лу Канның хабарламасында айтылған, деп хабарлайды ҚазАқпарат ресейлік ТАСС агенттігінің ақпаратына сүйеніп.
Құжатта «ҚХР төрағасы Си Цзиньпин 7-10 маусым аралығында мемлекеттік сапармен Қазақстанға келеді. Ол ШЫҰ мемлекет басшыларының 17-інші кеңесіне және Астанадағы халықаралық мамандандырылған ЭКСПО көрмесіне қатысады» делінген.
8-9 маусым күндері Астанада ШЫҰ-ының саммиті өтеді. Саммит қатысушылары Үндістан және Пәкістан мемлекеттерін ұйымның толық құқықты мүшелігіне ұсыну жөнінде шешім қабылдайды деп жоспарланып отыр.