Челябі қаласында өткен алғашқы ойында «Барыс» жеңіске жетті. Біздің хоккейшілер өз қарсыласын 5:4 есебімен ұтты. Негізі, «Трактор» осал қарсылас емес. Оны кешегі ойыннан да байқау қиын емес. «Барыс» қанша алға ұмтылса да, «Трактор» бірден есепті теңестіріп отырды. Овертаймда ғана астаналық клубтың жолы болып, плей-оффтың алғашқы ойыны біздің пайдамызға шешілді.
Айта кеткен жөн, Құрлықтық хоккей лигасының Шығыс конференциясында «Салават Юлаев» командасы «Металлургтен» басым түссе, «Ақ барс» - «Нефтехимикті», ал «Авангард» хоккей клубы «Сібірді» айқын басымдықпен жеңді. Батыс конференциясында «СКА», «ЦСКА» және «Динамо» екі рет қатарынан жеңіске жетіп үлгерді.